Շախմատի Հայաստանի տղամարդկանց ազգային հավաքականի անդամ, գրոսմայստեր Հայկ Մարտիրոսյանը Ուզբեկստանի մայրաքաղաք Տաշքենդում անցկացված Գեորգի Ագզամովի 19-րդ միջազգային հուշամրցաշարի եզրափակիչ՝ 10-րդ տուրում միավորը բաժանել է ՖԻԴԵ-ի դրոշի ներքո հանդես եկող գրոսմայստեր Նիկիտա Աֆանասեւի հետ եւ 7,5 միավորով դարձել է հաղթող։
Նույնքան միավոր վաստակել է նաեւ ՖԻԴԵ-ի դրոշի ներքո հանդես եկող մեկ այլ շախմատիստ՝ Արտյոմ Ուսկովը, սակայն լրացուցիչ գործակիցներով հանգրվանել է երկրորդ հորիզոնականում։
Աշոտ ՀԱԿՈԲՅԱՆ


















































