Ծաղկազարդին և մանուկների օրհնությանն ընդառաջ՝ սույն թվականի մարտի 27-ին, Տավուշի թեմի Առաջնորդական տեղապահ Հոգեշնորհ Տ․ Սամվել վարդապետ Մխիթարյանի ձեռամբ, Նոյեմբերյան համայնքի Ոսկեպար գյուղի առաջին դասարանի ութ երեխաներին Ոսկեպարի Սուրբ Աստվածածին եկեղեցում փոխանցվեց ութ պլանշետ, որոնք այդ մանուկների համար պատրաստել էին Հայ Առաքելական մեր Սուրբ Եկեղեցու ԱՄՆ-ի Արևմտյան թեմի փոքրիկները՝ իրենց պատրաստած կերակուրների վաճառքից ստացված գումարներով, որ կազմակերպվել և երեխաներին էր հասել կիրակնօրյա դպրոցների համակարգող և տնօրեն Բարեշնորհ Հովհաննես սարկավագ Գումրոյանի և նրա տիկնոջ՝ Ասպրամի կողմից։
Մեր փոքրիկների շնորհակալությունն իրենց տարեկից հայրենակիցներին, որոնք չեն մոռանում սահմանապահ գյուղում բնակվող իրենց քույրերին և եղբայրներին։
Աստված օրհնի բոլոր նախաձեռնողների բարի գործերը։
Կարդացեք նաև
Տավուշի Թեմ


















































