«Այսօր ավելի քան երբևէ Աշոտ Նավասարդյանի, նրա գաղափարակից ընկերների դերն ու նշանակությունը շատ ավելի մեծ է՝ հատկապես, որ անկախության գաղափարախոսությունը, հասկացությունն իշխանությունն ամեն ինչ անում է արժեզրկելու համար»,- Եռաբլուր պանթեոնում ՀՀԿ ԳՄ-ի և ակտիվի՝ ՀՀԿ հիմնադիր նախագահ Աշոտ Նավասարդյանի ծննդյան 76-րդ տարեդարձի առթիվ այցելության ժամանակ լրագրողների հետ զրույցում ասաց «Պատիվ ունեմ» խմբակցության անդամ, ՀՀԿ անդամ Տիգրան Աբրահամյանը։
Նա մտահոգություն հայտնեց՝ իշխանությունը փորձում է անկախ պետականությունը լրիվ այլ համատեքստում կարևորել կամ արժևորել, որը որևէ առնչություն չունի իրական արժեհամակարգային իմաստի հետ, որը եղել է Երրորդ Հանրապետության հիմնադրումից ի վեր»։
Հարցին՝ որքանո՞վ է այսօր ազգայինը պահպանվում ՀՀ-ում, պատգամավորն այսպես պատասխանեց․ «Հատկապես մեր երկրների համար, որը շրջապատված է իր դեմ թշնամաբար տրամադրված երկրներով, ազգային գաղափարախոսությունը շատ ավելի մեծ դեր ու նշանակություն ունի այս դեպքում ազգապահպանման տեսանկյունից՝ մշակույթ, կրոն, արժեքներ, որոնք հազարամյակներ պահել ու հասցրել են մեզ այս հանգրվանին։ Անկախ այն հանգամանքից, թե տարբեր տասնամյակների ընթացքում ներքաղաքական ինչ հորձանուտով է անցել ՀՀ-ն, ՀՀԿ-ն մշտապես փորձել է այն մոտեցումները, որոնք դրված են եղել նրա հիմնադիր հայրերի սկզբունքով, միշտ էլ փորձել է պահպանել։ Այսօր էլ ՀՀԿ-ի պայքարի հիմքում այդ մոտեցումներն են։ Եթե այդ մոտեցումներով չշարժվենք, ՀՀ-ի անկումն անխուսափելի է լինելու»։
Կարդացեք նաև
Տաթև ՀԱՐՈՒԹՅՈՒՆՅԱՆ
