Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք.
Հայաստանի ամերիկյան համալսարանը դասերն այսօր հեռավար է անցկացնելու՝ Արևմտյան Ասիայի ամերիկյան համալսարանները թիրախավորելու մասին ԻՀՊԿ սպառնալիքից հետո:
«Սա պարզապես նախազգուշական միջոցառում է: Ցանկանում ենք ընդգծել, որ մեր համալսարանի նկատմամբ որևէ ուղղակի սպառնալիք չի արձանագրվել, և առկա չեն հիմքեր համալսարանի՝ վտանգի մեջ գտնվելու վերաբերյալ, ուստի խուճապի պատճառ չկա», – նշել են համալսարանից։
Երեկ Իսրայելը հարվածներ է հասցրել Թեհրանում Տեխնոլոգիայի ու գիտության և Սպահանի Տեխնոլոգիայի համալսարաններին, ինչից հետո ԻՀՊԿ-ն սպառնացել է թիրախավորել իսրայելական և Արևմտյան Ասիայում ամերիկյան համալսարանները։
Կարդացեք նաև
📍Հայտարարվել է, որ թիրախավորվելու է երկու համալսարան, և եթե ԱՄՆ-ն ցանկանում է, որ այս փուլում այլ համալսարաններ չթիրախավորվեն, ապա պետք մինչև մարտի 30-ը ժամը 12:00 (Երևանի ժամանակով՝ 12:30) դատապարտի իրանական համալսարանների վրա հարձակումը։ Իսկ որպեսզի համալսարանները հետագայում ևս չթիրախավորվեն, ապա պետք է կանխի Իրանի գիտահետազոտական կենտրոնների վրա Իսրայելի հարձակումները:
