«Նիկոլ Փաշինյանը պիտակավորում է ամբողջ ընդդիմությանը «պատերազմի կուսակցություն» անունով։ Իր ներկայացրած մոդելը պատմագիտական, քաղաքագիտական առումով որևէ կապ չունի խաղաղության հետ։ Ակնհայտ է, որ խաղաղության մասին ընդհանրապես զրույց չկա, քանի որ շարունակվում են Բաքվում պահվել երկու տասնյակից ավել հայ ռազմագերիներ։ Խաղաղության ռեժիմը նման իրավիճակ չի ենթադրում»,-«ՀՀ անվտանգային, պաշտպանական և իրավական ոլորտների մարտահրավերներն ու սպառնալիքները» թեմայով քննարկման ժամանակ ասաց «Դեմոկրատական այլընտրանք» կուսակցության նախագահ Սուրեն Սուրենյանցը։
Նաև փաստեց՝ ՀՀ-ի 200 քառակուսի կիլոմետրից ավելի տարածք գտնվում է Ադրբեջանի օկուպացիայի տակ․ «Նիկոլ Փաշինյանը բլեֆ է անում, որ սահմանագծման և սահմանազատման գործընթացում այդ բոլոր հարցերը կլուծվեն՝ վկայակոչելով Ալմաթայի հռչակագիրը։ Ալմաթայի հռչակագիրը դատարկ փաստաթուղթ է, դա հռչակագիր է, որը չունի քարտեզային որևէ նկարագիր։ Դա ավելի շատ ԽՍՀՄ փլուզումն արձանագրող և նոր կազմակերպության ստեղծման մասին ինչ-որ հռչակագիր է»։
Ըստ Սուրեն Սուրենյանցի՝ այժմ շատ վտանգավոր գործընթացում ենք․ «Նիկոլ Փաշինյանի գերնպատակը նույնիսկ խաղաղության պայմանագիրը չէ, նա շատ ավելի արկածախնդիր պլանների մեջ է․ երկրի ռազմավարական կողմնորոշումը փոխելն է, մնացած ամենն ածանցյալ է։ Նիկոլ Փաշինյանը Հայաստանը ռուսական ուղեծրից դուրս է բերում, բայց ակնհայտորեն ոչ թե արևմուտք տանելու համար, այլ թուրք-ադրբեջանական աքցանի մեջ դնելու համար»։
Կարդացեք նաև
Քննարկումն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
