«Մեր հասարակությունում կա մեծ սպասելիք հանրային միավորման, համախմբման։ Արդեն տարիների պառակտումը խանգարում է մեր հասարակությանը բնականոն զարգանալ, դրա համար որոշեցինք գնալ դաշինքային տրամաբանությամբ այն ուժերի հետ, որոնք նոր են, նոր առաջնորդություն են ներկայացնում Հայաստանում։ Կարծում եմ՝ դա ամենաճիշտ ձևաչափն է ՀՀ-ում որակական նոր փոփոխություններ բերելու համար»,-«Ընտրության Ժամի» տաղավարում պատասխանելով հարցին՝ ինչո՞ւ որոշեցին ձևաչափի փոփոխություն կատարել և դաշինքով մասնակցել ընտրություններին, այսպես պատասխանեց «Ուժեղ Հայաստան» կուսակցության խորհրդի անդամ Նարեկ Կարապետյանը։
Դիտարկմանը՝ քննարկումներ կան, որ «Ուժեղ Հայաստանը» պատրաստվում է իր ձայները տալ այլ քաղաքական ուժի, երեկ «գրազ եկաք»՝ ձեր ձայնը չեք տալու որևէ այլ ուժի, նաև մարդկանց առաջարկեցիք «գրազ գալ», Նարեկ Կարապետյանն արձագանքեց․ «Ես ևս մեկ անգամ ասում եմ՝ յուրաքանչյուրը կարող է «գրազ գալ»։ «Ուժեղ Հայաստանը ընտրելու է վարչապետ Սամվել Կարապետյանին։ ՀՀ-ին նոր առաջնորդություն է պետք, չի ընտրելու ոչ մեկին ընդդիմությունից, ընտրելու է Սամվել Կարապետյանին։ Մենք պատրաստ ենք յուրաքանչյուրի հետ գրազ գալ։ ՀՀ-ում նոր առաջնորդություն է լինելու, նոր առաջնորդով ՀՀ-ն հանելու ենք աղքատությունից և ապահովելու երաշխավորված խաղաղություն»։
Նա վստահեցրեց՝ մեր հասարակությունը պետք է լինի որոշողը՝ կամ Փաշինյանն է, կամ Կարապետյանը․ «Երկու մեծ այլընտրանք կա այսօր։ Եթե ուզում ենք այս անկայուն վիճակը շարունակել, ամեն ինչ նույնը մնա, տարբերակը կա, եթե ուզում ենք վերջապես բերել երեք պատերազմից հետո իրական, երաշխավորված խաղաղություն, նորմալ տնտեսական ծրագիր, մարզերը աղքատությունից հանել, ընտրում ենք Կարապետյանին»։
Կարդացեք նաև
Տաթև ՀԱՐՈՒԹՅՈՒՆՅԱՆ
