«Ազատություն». Թրամփի «անհեթեթ հայտարարությունները չեն ստիպի մեզ» բացել Հորմուզի նեղուցը «թշնամի» երկրների համար, այսօր հայտարարել է Իրանի Իսլամական հեղափոխության պահապանների կորպուսը՝ մեկնաբանելով ԱՄՆ նախագահի վերջին հայտարարությունները։
«Հորմուզի նեղուցին վերաբերող որոշումները կայացնելու են բացառապես Իրանն ու Օմանը»,- հայտարարել է Իսլամական Հանրապետության ԱԳ նախարար Աբբաս Արաղչին Թեհրանում գործող Press TV անգլալեզու ալիքի հետ զրույցում։
ԱՄՆ նախագահ Դոնալդ Թրամփը հայտարարել է, որ Միացյալ Նահանգները կարող է դադարեցնել արդեն հինգ շաբաթ ձգվող Իրանի վրա ռազմական հարձակումները երկու-երեք շաբաթվա ընթացքում։ ԱՄՆ նախագահի խոսքով՝ Թեհրանի հետ գործարքի կնքումը հակամարտության դադարեցման նախապայման չէ։
