«Ինչ վերաբերում է պայմանագրի միակողմանի խզմանը, այդ լծակը ՀՀ-ն ունի, բայց մենք չենք պլանավորում եւ չենք ուզում գնալ այդպիսի ճանապարհով»,- կառավարության այսօրվա նիստից հետո հրավիրած ասուլիսում ասաց Նիկոլ Փաշինյանը՝ անդրադառնալով հարցին, թե հնարավո՞ր է Հայաստանը միակողմանի խզի պայմանագիրը «Հարավկովկասյան երկաթուղիներ»-ի հետ։
Նիկոլ Փաշինյանի խոսքով՝ երկաթուղու հարցով բանակցությունները չեն տապալվել, քննարկումները շարունակվում են։
Մանրամասները՝ տեսանյութում.
Կարդացեք նաև
«Մանրամասն քննարկումներ ենք իրականացրել ՌԴ կատարած այցի ընթացքում, ներկայացրել ենք մեր տեսակետները, լսել ենք ռուսաստանցի գործընկերների դիրքորոշումները եւ տեսակետները։ Քննարկումների իմաստը հետեւյալն է՝ մեր խնդիրն ընդամենը ձեւակերպված է մեկ նախադասության մեջ, որ Հայաստանի Հանրապետությունն այս պայմաններում իր մրցակցային պոտենցիալ առավելությունները կորցնում է։ Մեր խնդիրն է, որ Հայաստանն իր մրցակցային պոտենցիալն ամբողջությամբ իրացնելու հնարավորություն ստանա։ Մենք ոչ միայն Ռուսաստանի հետ կապված խնդիր չունենք, այլեւ ընդհակառակը, բարձր ենք գնահատում մեր բարեկամական հարաբերությունները։ Մենք իրար հետ պետք է մտածենք՝ ինչ լուծում ենք գտնում»,- նշեց Փաշինյանը։
Մանրամասները՝ տեսանյութում.
Հիշեցնենք, որ ավելի վաղ Նիկոլ Փաշինյանը հայտարարել էր՝ «Լուծումն այն է, որ երկաթուղու կոնցեսիոն կառավարման իրավունքը Ռուսաստանից գնի ՌԴ եւ ՀՀ հետ բարեկամական հարաբերություններ ունեցող մի երկիր»։
Ամբողջական տեսանյութը՝ այստեղ.
Ռոզա ՀՈՎՀԱՆՆԻՍՅԱՆ
