Риа Новости-ի փոխանցմամբ` Ռուսաստանի արտգործնախարար Սերգեյ Լավրովը հայտարարել է, որ հայկական կողմը ըմբռնումով է մոտեցել այն մտահոգություններին, որոնք Ռուսաստանի նախագահ Վլադիմիր Պուտինը բարձրաձայնել է Հայաստանի վարչապետ Նիկոլ Փաշինյանի հետ հանդիպման ընթացքում։
Լավրովը այս մասին նշել է «Վեստի» տեղեկատվական ծառայության լրագրող Պավել Զարուբինին տված մեկնաբանությունում։
«Հայկական կողմը ըմբռնումով է մոտեցել Ռուսաստանի կողմից բարձրաձայնված մտահոգություններին», -նշել է Լավրովը։
Նրա խոսքով. «Կտեսնենք, թե հետագայում ինչպես կզարգանան հարաբերությունները գործնականում»։
«Հայկական կողմը ըմբռնումով է մոտեցել Ռուսաստանի կողմից բարձրաձայնված մտահոգություններին»։
Նույն ձևով՝ նիկոլն «ըմբռնումով է մոտենում» ԱՄՆ-ի կողմից բարձրաձայնված մտահոգություններին, Թուրքիայի և Ադրբեջանի կողմից բարձրաձայնված մտահոգություններին, Իրանի կողմից բարձրաձայնված մտահոգություններին։
Մի խոսքով էս մարդը բոլորին ասում է, որ «ըմբռնումով է մոտենում», բայց ոչ մեկի մտքով չի անցնում, թե նա արդյո՞ք ըմբռնելու ընդունակություն ունի։