Ռուսաստանի փոխվարչապետ Ալեքսեյ Օվերչուկը հայտարարել է, որ եթե Հայաստանի հարաբերությունները Եվրոպական միության հետ ավելի սերտանան, դա կարող է ազդեցություն ունենալ նաև ավիացիոն հաղորդակցության վրա, հաղորդում է ТАСС-ը
«Քանի որ ներկայումս ավիացիոն հաղորդակցություն չկա Եվրոպական միության երկրների հետ, նշանակում է, որ մենք նույնպես ավիացիոն հաղորդակցություն չենք ունենա Հայաստանի հետ», ընդգծել է նա ռուսական Առաջին ալիքի եթերում։
Օվերչուկը նշել է, որ Հայաստանի քաղաքացիները պետք է գիտակցեն պաշտոնական Երևանի կողմից ԵՄ-ի հետ մերձեցման որոշման հնարավոր հետևանքները։
«Գուցե սա շատ կոշտ է հնչում, բայց մենք ուզում ենք, որ Հայաստանում մարդիկ հասկանան․ եթե դա տեղի ունենա, ապա տեղի կունենա այն պատճառով, որ ընդունվել են Եվրոպական միության հետ մերձեցման որոշումներ», – ընդգծել է փոխվարչապետը։
Կարդացեք նաև
Միաժամանակ, Օվերչուկի խոսքով, դեռևս պարզ չէ, թե ի վերջո ինչ հետևանքներ կունենա Հայաստանի համար ԵՄ-ին հնարավոր անդամակցությունը։
