Ապրիլի 5-ին Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Իրանի Իսլամական Հանրապետության արտաքին գործերի նախարար Աբբաս Արաղչիի հետ՝ վերջինիս նախաձեռնությամբ։
Ռուսական կողմի անունից Լավրովը հույս է հայտնել, որ որոշ երկրների կողմից Իրանի շուրջ լարվածության թուլացմանն ուղղված ջանքերը հաջողություն կունենան՝ նպաստելով Մերձավոր Արևելքում իրավիճակի կայուն և երկարատև կարգավորմանը։ Նա ընդգծել է, որ դրա համար կարևոր է, որպեսզի Միացյալ Նահանգները հրաժարվի վերջնագրերի լեզվից և վերադառնա բանակցությունների սեղան։
Նախարարները հանդես են եկել այնպիսի գործողությունների դեմ, այդ թվում՝ ՄԱԿ-ի Անվտանգության խորհրդի շրջանակներում, որոնք կարող են խաթարել ճգնաժամի քաղաքական և դիվանագիտական կարգավորման հնարավորությունները։
Կողմերը նաև ընդգծել են քաղաքացիական, արդյունաբերական և էներգետիկ ենթակառուցվածքների օբյեկտների, այդ թվում՝ ՄԱԳԱՏԷ-ի երաշխիքների ներքո գտնվող «Բուշեր» ԱԷԿ-ի վրա անխոհեմ և անօրինական հարձակումներն անհապաղ դադարեցնելու անհրաժեշտությունը:
Կարդացեք նաև
Նշվել է, որ անթույլատրելի է վտանգ ստեղծել կայանի աշխատակիցների կյանքի և առողջության համար, ինչպես նաև ողջ տարածաշրջանի համար հնարավոր ռադիացիոն աղետի ռիսկ առաջացնել։
Զրույցի ընթացքում Սերգեյ Լավրովը նաև ցավակցություն է հայտնել ատոմակայանի իրանցի աշխատակցի մահվան կապակցությամբ։
