1tv.ge. Ադրբեջանի Հանրապետության նախագահ Իլհամ Ալիևը պետական այցով ժամանել է Վրաստան։
Իլհամ Ալիևի պաշտոնական դիմավորման արարողությունը տեղի է ունեցել Թբիլիսիի Շոթա Ռուսթավելիի անվան միջազգային օդանավակայանում։
Ադրբեջանի նախագահին օդանավակայանում դիմավորել է Վրաստանի արտաքին գործերի նախարար Մակա Բոճորիշվիլին։
Պետական այցի շրջանակներում Ադրբեջանի Հանրապետության նախագահը կհանդիպի Վրաստանի նախագահ Միխեիլ Ղավելաշվիլիի և վարչապետ Իրակլի Կոբախիձեի հետ։
Կարդացեք նաև
Վրաստանի նախագահական պալատում կկայանա Ադրբեջանի Հանրապետության նախագահի պաշտոնական դիմավորման արարողությունը, որից հետո նախատեսվում է Միխեիլ Ղավելաշվիլիի և Իլհամ Ալիևի անձնական հանդիպումը։
Վրաստանի վարչապետը Ադրբեջանի Հանրապետության նախագահին կհյուրընկալի կառավարության աշխատակազմում։ Իրակլի Կոբախիձեն և Իլհամ Ալիևը հանդիպումներ կունենան ինչպես անձնական, այնպես էլ ընդլայնված կազմով, որից հետո առաջնորդները համատեղ հայտարարություններ կանեն լրատվամիջոցների համար։
Վրաստան կատարած պետական այցի շրջանակում Ադրբեջանի Հանրապետության նախագահը ծաղկեպսակ կդնի Հերոսների հրապարակում գտնվող Հերոսների հուշարձանին և հարգանքի տուրք կմատուցի Ադրբեջանի ազգային առաջնորդ Հեյդար Ալիևի հիշատակին:
