«Դուք խնդիրները լուծելու փոխարեն ասում եք՝ եկեք սարքենք մի քանի միլիոն, տա ու ազատվի։ Խնդիրը ստվերային բաները լուծելն է, այլ ոչ թե՝ միջանկյալ տարբերակ՝ փողով ազատվելը»,- ՀՀ ԱԺ Պաշտպանության եւ անվտանգության հարցերի մշտական հանձնաժողովի նիստում ՔՊ խմբակցության պատգամավոր Հայկ Սարգսյանի՝ «զինծառայությունից գումարով ազատվելու մասին» նախագծի քննարկման ժամանակ այսպիսի կարծիք հայտնեց ԱԺ «Հայաստան» խմբակցության պատգամավոր Գեղամ Մանուկյանը։
Պատգամավորը, անդրադառնալով Հայկ Սարգսյանի հայտարարություններին, հորդորեց «ուռա հայրենասիրության հետ կապված չվիրավորել մարդկանց»։
Կարդացեք նաև
Ըստ Գեղամ Մանուկյանի՝ անընդունելի է զինված ուժերում պարտադիր զինծառայության հարցում մարդկանց միջեւ տարբերակում դնել՝ գումարով պայմանավորված. «Համամիտ եմ, որ ՀՀ ԶՈՒ համալրման հարցը գերխնդիր է։ Բայց այս նախագիծը Սահմանադրությանը հակասում է։ Հակասություններ են առաջանալու նաև երիտասարդների միջև․ մեկն ասելու է՝ իմ հերը չկարողացավ ճարել, մյուսինը՝ ճարեց և այլն»։
Հանձնաժողովի նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
