«Լուսավոր Հայաստան» կուսակցության նախագահ, ՀՀ հատուկ հանձնարարություններով նախկին դեսպան Էդմոն Մարուքյանի տելեգրամյան գրառումը
Ռուսական կողմի հիմնական սխալը վերջին 15–20 տարիների ընթացքում այն էր, որ Արցախյան հակամարտության համատեքստում բաց ու հստակ չի ասվել հայ ժողովրդին, որ եթե դուք չգնաք այդ հինգ շրջանների զիջմանը և չիրականացնեք այն խաղաղության պլանը, որի արդյունքում Լեռնային Ղարաբաղը կմնա հայկական, ապա անխուսափելի կլինի պատերազմը, և դուք կկորցնեք ամեն ինչ՝ թե՛ հինգ շրջանները, թե՛ Լեռնային Ղարաբաղը։
Այս խոսակցությունը տարվել է օրինակ՝ Սերժ Սարգսյանի, Արտաքին գործերի նախարարի հետ, ԵԱՀԿ Մինսկի խմբի ձևաչափում։ Տարբեր ձևակերպումներով այն մշտապես շրջանառվել է, սակայն երբեք հրապարակայնորեն չի ներկայացվել հայ ժողովրդին։ Ռուսական կողմի գլխավոր սխալն էլ հենց դա էր՝ հայ ժողովրդին պարզ ու ուղիղ չի ասվել, թե ինչ է սպասվում, չի ասվել, որ մեր իշխանությունները մեզ խաբում են։
Ավելին, ներսում տարվել է քարոզչություն, թե իբր ԵԱՏՄ-ին անդամակցում ենք՝ Ղարաբաղը պահպանելու համար, ինչը, իրականում, մոլորեցնող թեզ է եղել…
