«Սպուտնիկ Արմենիա». Ռուսաստանի ալկոհոլային և ծխախոտի շուկաների վերահսկման ծառայությունը չնախատեսված ստուգում է իրականացրել երկիր ներմուծված կոնյակի նմուշների նկատմամբ:
«Հավատարմագրված լաբորատորիայի կողմից իրականացված փորձաքննության արդյունքում հայտնաբերվել է արտադրանքի անհամապատասխանություն ԳՕՍՏ-ի պահանջներին. հայտնաբերվել են ոչ խաղողի ծագման սպիրտներ, ինչպես նաև արտադրանքի բաղադրության անհամապատասխանություն հայտագրված անվանմանը (չի համապատասխանում «կոնյակ» եզրույթին)»,- նշված է գերատեսչության տարածած հաղորդագրության մեջ։
Լիցենզիան չեղարկելու և կասեցնելու միջնորդություն է ներկայացվել դատարան։
Գործը արբիտրաժային դատարանում է։
