Երկրի կլիման դուրս է գալիս հավասարակշռությունից

Համաձայն Համաշխարհային օդերևութաբանական կազմակերպության (ՀՕԿ) տվյալների՝ Երկրի կլիման գտնվում է առավել անկայուն վիճակում, քան երբևէ, քանի որ ջերմոցային գազերի կոնցենտրացիայի աճը հանգեցնում է մթնոլորտի և օվկիանոսի շարունակական տաքացմանը և սառցադաշտերի հալքին։ Նման արագ և լայնածավալ փոփոխությունները, որոնք տեղի են ունեցել ընդամենը մի քանի տասնամյակների ընթացքում, կունենան կործանարար հետևանքներ։

🗓️ ՀՕԿ-ի կլիմայի վիճակի վերաբերյալ զեկույցում հաստատվում է, որ 2015–2025 թվականներին գրանցվել են դիտարկումների պատմության 11 ամենատաք տարիները։ Երկրի էներգետիկ անհավասարակշռությունը վերջին 65 տարիների ընթացքում հասել է ամենաբարձր մակարդակին։

🌪 Ծայրահեղ եղանակային երևույթները` ուժեղ շոգերը, առատ տեղումները, արևադարձային ցիկլոնները, ազդում են միլիոնավոր մարդկանց վրա և պատճառում միլիարդավոր դոլարների վնաս։ Արկտիկայի ծովային սառույցի մակերեսը եղել է ռեկորդային ցածր 2025 թվականին։ Անտարկտիդայի և Գրենլանդիայի սառցաշերտերը զգալիորեն կորցրել են իրենց զանգվածը։ 2025 թվականին Իսլանդիայում և Հյուսիսային Ամերիկայի Խաղաղօվկիանոսյան ափամերձ հատվածում գրանցվել է սառցադաշտերի զանգվածի բացառիկ կրճատում։

⚡ Առաջին անգամ ՀՕԿ-ի կլիմայի վիճակի տարեկան զեկույցում Երկրի էներգետիկ անհավասարակշռությունը ներառվել է որպես կլիմայի հիմնական ցուցանիշներից մեկը։ Բնական կլիմայական պայմաններում Արեգակից ստացվող էներգիայի քանակը մոտավորապես հավասար է Երկրի էներգիայի կորստին։

Կարդացեք նաև

Հայաստանում կլիմայի տաքացման ծայրահեղ դրսևորումները․ ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի մասնագետների վերլուծությունը

• 23:35 25.02.2025

Անտառի խնդիրները միավորել է մտահոգվածներին

• 20:35 04.11.2022

Էրիկ Գրիգորյան. Երևանի կլիման համադրելի կլինի Տաշքենտի այժմյան կլիմայի հետ

• 14:00 14.07.2019

📈 Ջերմոցային գազերի պատճառով Երկրի ջերմային հավասարակշռությունը խախտվել է սկսած 1960 թվականից՝ հատկապես վերջին 20 տարիների ընթացքում։

🥵 Ջերմային սթրեսը դառնում է լուրջ խնդիր։ Աշխարհում աշխատուժի ավելի քան մեկ երրորդը (1,2 միլիարդ մարդ) ամեն տարի բախվում է աշխատավայրում գերտաքացման ռիսկին, հատկապես գյուղատնտեսության և շինարարության ոլորտներում։ Առողջության վրա ազդեցությունից բացի՝ դա հանգեցնում է արտադրողականության և կենսապահովման միջոցների նվազման։

🏥 Կա հրատապ անհրաժեշտություն ինտեգրել օդերևութաբանական և կլիմայական տվյալները առողջապահական տեղեկատվական համակարգերի հետ, որպեսզի որոշում կայացնողները կարողանան ձեռնարկել կանխարգելիչ գործողություններ, որոնք կփրկեն կյանքեր։

Շրջակա միջավայրի նախարարության հիդրոօդերևութաբանության և մոնիթորինգի կենտրոն