«Սամվել Կարապետյանի ուժի հետ մենք շատ լուրջ բանակցություններ ենք տարել եւ իրականում շատ մոտ էինք դաշինքի կնքմանը։ Հետո տեղի ունեցավ շրջադարձ»,- այսօր հրավիրած ասուլիսում ասաց ՀԱԿ վարչապետի թեկնածու Լեւոն Զուրաբյանը։
«Շրջադարձը երեւի կապված էր նրա հետ, որ մենք տարբեր պատկերացումներ ունենք հաջողության հասնելու ուղիների մասին։ Մենք երկու տարի շարունակ զբաղված էինք համախմբման գործընթացով, երբ դեռ Սամվել Կարապետյանի ուժը չկար ասպարեզում։ Քննարկումներ էինք անում տարբեր քաղաքական ուժերի հետ, որպեսզի ստեղծեինք մի բեւեռ, համախմբում, որը կարող է մարտահրավեր նետել եւ ժողովրդի կողմից ընկալվել որպես գլխավոր այլընտրանք Նիկոլ Փաշինյանի իշխանությանը։
Հետո, երբ իրենք հայտնվեցին, իրենց հայտը բավականին ուժեղ էր։ Եվ հասկանալի դարձավ, որ եթե նման բեւեռ ստեղծելու ցանկություն ունենք, դա պետք է լինի իրենց հետ միասին։
Մեր կարծիքով՝ եթե ստեղծվեր այդ դաշինքը, Հայաստանում տեղի կունենար մի կարեւոր էֆեկտ, որը ես կանվանեի հեղափոխական վերելքի էֆեկտ։ Ըստ երեւույթին ինչ-որ պահից իրենց հաշվարկները մի քիչ այլ ուղղությամբ գնացին, այսինքն՝ իրենք այլ ստրատեգիայի կողմնակից են»,- ասաց Զուրաբյանը։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
