«Ես երբեք չեմ թաքցրել իմ հայացքները որևէ հարցով։ Եվ, իհարկե, ես չեմ կարող հաշտ լինել այն ամենի հետ, ինչը կատարվում է մեր երկրում։ Այն զազրելի իրականությունը, այն սարսափելի ատելության մթնոլորտը, այն պարտությունների շղթան, այն թույլ իրականությունը, որում մենք հիմա գտնվում ենք, բացառապես այս կառավարության մեղքն է։
Հետևաբար, ես երբևէ որևէ հարցում չեմ կիսել այս կառավարության տեսլականը և միշտ պայքարելու եմ այս մարդկանց դեմ», – այս մասին հայտնել է Տավուշի թեմի ուրակակիր Թովմաս Առաքելյանը։
«Հանուն իմ հայրենիքի, հանուն իմ եկեղեցու, որն ամենազզվելի ձևով է թիրախավորվում, այնպես որ վաղը՝ ամսի 11-ին, ժամը 17:00-ին ես լինելու եմ Ազատության հրապարակում, որտեղ հանրահավաք կա։ Եվ իմ համաձայնությունն եմ հայտնելու «Ուժեղ Հայաստան»-ի տեսլականի հետ, որովհետև հայոց գալիք հաղթանակն այլընտրանք չունի, դա կարող է իրականացնել միայն ուժեղ առաջնորդը»,- նշել է նա։
