«Ինչպես է կազմվել մեր ցուցա՞կը։ Պրոֆեսիոնալիզմի սկզբունքով։ Տեսնում ենք, որ այդ մարդիկ ամեն մեկն իր ոլորտում կարող են կարեւոր փոփոխություններ անել»,- պատասխանեց Նարեկ Կարապետյանը «Առաջին լրատվականի» լրագրողի հարցին:
Իսկ դիտարկմանը, որ ցուցակում կան մարդիկ, որոնք ժամանակին Քոչարյանի թիմից, ՀՀԿ-ականների շրջապատից են եղել, մինչդեռ, «Ուժեղ Հայաստանը» հստակ հայտարարում էր, որ նախկիններ չեն լինելու, նոր մարդիկ, նոր ուժեր ու դեմքեր են լինելու, Նարեկ Կարապետյանը պատասխանեց. «Դուք չնկատեցիք, որ ցուցակում կան նաեւ ՔՊ-ի հետ աշխատած մարդիկ։ Ի՞նչն է մեր տարբերությունը։ Այն, որ մենք չենք դիտարկում քաղաքական անցյալը, այլ դիտարկում ենք մաքուր ձեռքերը եւ պրոֆեսիոնալիզմը։
Իմ նախորդ խոսքի մեջ ես մի շատ կարեւոր բան ընդգծեցի։ Կուսակցականությունը եւ թայֆայականությունը պետք է վերանան։ ՔՊ-ն ասում է՝ ավելի լավ է մերը լինի, թեկուզ թույլ լինի։ Մենք ասում ենք, եթե մաքուր ձեռքերով է, մենք հպարտ եւ ուրախ ենք, որ մեր հետ ճանապարհ անցնի»;
Աշոտ ՀԱԿՈԲՅԱՆ
