«Ինչ-որ մի կին Արթիկից զանգում, ներկայանում է՝ իբր թե «Ուժեղ Հայաստանից» է, առաջարկում է, ասում է՝ 20,000 դրամ կտամ ձեզ, եթե գաք «Ուժեղ Հայաստանի» հանրահավաքին։ Այսինքն՝ կեղծ ապացույցներ է ձեռք բերում, որ վարկաբեկի «Ուժեղ Հայաստանին»։ «Ուժեղ Հայաստանից» են ինձ զանգել, խնդրել, որ զբաղվեմ այս գործով։ Ես հանցագործության մասին հաղորդում եմ ներկայացրել։ Ոստիկանության թե′ Արաբկիրի բաժնում են նյութեր նախապատրաստվում, թե′ ոստիկանության Խանջյան 21 հասցեում։ Փաստացի Թամարա անունով ներկայացող կինը կեղծ տեղեկություն է տարածում»,- Aravot.am-ի հետ զրույցում ահազանգեց փաստաբան Տիգրան Հայրապետյանը։
Փաստաբանը նաև մեզ հայտնեց այն հեռախոսահամարը՝ 094948306, որով, նրա փոխանցմամբ, զանգում են Արթիկի բնակիչներին։
Փաստաբանից հետաքրքրվեցինք՝ դուք փորձե՞լ եք այդ համարով զանգել, նա պատասխանեց․ «Չեմ փորձել։ Հանցագործի հետ ի՞նչ խոսեմ, ասեմ՝ ինչի՞ եք նման բան անում։ Ինքը քրեորեն պատժելի արարք է կատարել, ոստիկանությունն ու քննչական մարմինը պետք է զբաղվեն իրենով։ Առաջինը՝ պարզեն՝ ով է իրեն պատվեր տվել, ով է կազմակերպել այդ կեղծիքը՝ իբր թե հավաքներին մասնակցելու։ Ոստիկանությունը վերջին ժամանակները տենց կեղծ տվյալներ շատ է կազմակերպել, քրեական վարույթներ են նախաձեռնել կեղծ փաստերի հիման վրա»։
Տիգրան Հայրապետյանի համար ակնհայտ է՝ այդ կինն ինչ էլ ասի, «Ուժեղ Հայաստանի» հետ որևէ կապ չունի․ «Ինքն Արթիկի շրջանի բազմաթիվ անձանց է ահազանգել։ Հասկանալով, որ սա կեղծ նյութ է նախապատրաստում, կեղծ տվյալներ է նախապատրաստում, ինձ դիմել են «Ուժեղ Հայաստանից»։ Արթիկի բնակիչները, որոնց այդ համարից զանգել են, դիմել են «Ուժեղ Հայաստանին»։
Կարդացեք նաև
Մենք փաստաբանի տրամադրած համարով զանգեցինք, սակայն մեր բազմաթիվ զանգերն անպատասխան մնացին։
Տաթև ՀԱՐՈՒԹՅՈՒՆՅԱՆ
