«Աղքատությունը վերջ դնելու համար Հայաստան վերջապես հոսելու են միլիարդավոր դոլարների իրական ներդրումներ իրական ներդրողներից»,- Ազատության հրապարակում «Ուժեղ Հայաստանի» կողմից անցկացվող Միասնության հանրահավաքի ժամանակ հայտարարեց «Ուժեղ Հայաստան» կուսակցության խորհրդի անդամ Նարեկ Կարապետյանը։
Կարդացեք նաև
Նա վստահեցրեց՝ հայ մարդն աշխատելու է և լավ է ապրելու։ Դիմելով հայ ժողովրդին՝ ասաց․ «Քեզ թուլություն չի սազում, հայ ազգ»։
Նարեկ Կարապետյանը հորդորեց բարձր նշաձող սահմանել․ «Մեզ պետք են 21-րդ դարի քաղաքներ, և դա իրագործվելու է ուժեղ տնտեսական քաղաքականության միջոցով։ Մենք մեր անցյալի ստվերը չպիտի լինենք, այլ նշաձողը բարձր դնենք։ Գալիս են, մի երկու հատ ռեմոնտ են անում մի երկու քաղաքում ու ասում են՝ մեզ ընտրեք։ Ութ տարի հետո երկրի 30 տոկոսը թշնամուն հանձնելուց հետո, աղքատությունը չնվազեցնելուց հետո մի քանի ռեմոնտ են անում ու ասում են՝ ընտրեք մեզ։ Արժի՞ դրանից հետո ընտրել»։
Ազատության հրապարակում անցկացվող Միասնության հանրահավաքն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ



















































