Շարունակվում են Արցախի պատվիրակության հանդիպումները Ֆրանսիայում
2026 թվականի ապրիլի 14-ին ԱՀ Ազգային ժողովի նախագահ Աշոտ Դանիելյանը և նրան ուղեկցող պատվիրակությունը հյուրընկալվեցին Ֆրանսիայի Ազգային ժողովում, ուր մասնակցեցին Ֆրանսիա-Արցախ բարեկամության շրջանակի Նախագահ, ԱԺ պարգամավոր Էմանուել Մանդոնի նախաձեռնությամբ կազմակերպված «Մենք ենք ,մեր սարերը» գրաֆիկական վեպի և համանուն ցուցահանդեսի բացման արարողությանը։
Միջոցառմանը ներկա էին Ֆրանսիայի ԱԺ պատգամավորներ, Սենատի անդամներ, քաղաքապետներ, ՏԻՄ Ներկայացուցիչներ, լրագրողներ, արվեստագետներ և Ֆրանսիայի հայ համայնքի ներկայացուցիչներ։
Անդրադարձ կատարվեց Արցախի հայ բնակչության բռնի տեղահանման և այդ ոճրագործության հետևանքներին: Ընդգծվեց կատարվածի վերաբերյալ տեղեկատվության շարունակական տարածման կարևորությունը՝ դիմակայելու պատմության վերաշարադրման կամ աղավաղման փորձերին։
Կարևորվեց նաև ստեղծագործական արվեստի դերը պատմության փոխանցման և ժամանակակից հակամարտությունների վերաբերյալ իրազեկման գործում։
Նման նախաձեռնությունները, որոնք համադրում են պատմությունը և արվեստը ինստիտուցիոնալ միջավայրում, նպաստում են անտեսված և աղավաղվող իրողությունը տեսանելի դարձնելուն և խթանում երկխոսությունը մշակույթի և հանրային պատասխանատվության միջև։
Արցախի Հանրապետության Ազգային ժողով
