ՀՀ գլխավոր դատախազության՝ ընդդեմ Սամվել Ռուբենի Կճոյանի, երրորդ անձ՝ Երևան համայնքի Սուրբ Աբգար թագավորի փողոցի 77/2 հասցեում գտնվող 8250,25 քմ մակերեսով հողամասի կառուցապատման իրավունքը հարկադիր դադարեցնելու պահանջի մասին դատական նախորդ նիստը հետաձգելուց հետո նախագահող դատավոր Կարապետ Բադալյանը հրապարակած ակտով մերժել էր Սամվել Կճոյանի պաշտպանի կողմից ներկայացված վաղեմության հայցի կիրառման միջնորդությունը։
Այսօրվա նախնական դատական նիստում փաստաբան Վարազդատ Ասատրյանը միջնորդեց արագացված դատաքննություն իրականացնել, որովհետև ըստ պաշտպանության կողմի՝ հայցվորի միջնորդությունն անհիմն է։ Դատախազության ներկայացուցիչը առարկեց։ Դատարանը նիստը հետաձգեց՝ հայտարարելով, որ պաշտպանի միջնորդության մասին որոշումը կհրապարակի լրացուցիչ։
Աշոտ ՀԱԿՈԲՅԱՆ
