ՀԿԴ-ում Սամվել Կարապետյանի խափանման միջոց՝ տնային կալանքը վերացնելու միջնորդությունը ներկայացնելիս՝ փաստաբան Արամ Վարդևանյանը, դիմելով նախագահող դատավոր Վահե Դոլմազյանին, ասաց.
«Ապրիլի 21-ին նախատեսվում է «Ուժեղ Հայաստան» կուսակցության համագումարը, որտեղ քննարկվելու է ԱԺ 2026 թվականի հունիսի 7-ի հերթական ընտրությանը «Ուժեղ Հայաստան» կուսակցությունների դաշինքի ցուցակի առաջին երեք տասնյակ պատգամավորների թեկնածուների առաջադրման մասին որոշման ընդունումը։ Արդյո՞ք կա աշխարհում մի երկիր, որի կուսակցության նախագահը հնարավորություն չունենա մասնակցելու նախընտրական ցուցակի ձևավորմանը։
Գտնում եմ, որ մենք բոլորս պետք է շահագրգռված լինենք այս իրավունքի և երաշխիքների ապահովման համար՝ ոչ թե ելնելով քաղաքական հայացքներից, այլ ելնելով Սահմանադրության դրույթների նկատմամբ մեր հարգանքից։
Ուզենք թե չուզենք, այս որոշումը վերաբերելու է կամ Հայաստանում ժողովրդի իշխանության հավասար պայմաններ ապահովելուն, կամ՝ ոչ»։
Աշոտ ՀԱԿՈԲՅԱՆ
