«Անկախ դիտորդ» հասարակական դաշինքը 2026 թ. ապրիլի 30-ին «Կուսակցությունների համագումարների դիտարկման ամփոփում» վերտառությամբ տեղեկատվություն է տարածել, որի մեջ մասնավորապես նշված է՝ «Ընտրություններին առաջադրված 22 կուսակցություններից (17-ը առանձին, ևս 5-ը՝ երկու դաշինքների կազմում) չորսը չեն հայտարարել իրենց համագումարի մասին, դրանք են՝ «Ազգային ժողովրդավարական բևեռ» համահայկական կուսակցությունը, (…)»։
Պաշտոնապես ՀԱՅՏԱՐԱՐՈՒՄ ենք, որ «Ազգային ժողովրդավարական բևեռ» համահայկական կուսակցությունը Հայաստանի Հանրապետության Կուսակցությունների մասին սահմանադրական օրենքի համաձայն հայտարարություն է տեղադրել Հայաստանի Հանրապետության հրապարակային ծանուցումների պաշտոնական ինտերնետային կայքում հերթական համագումարից 11 օր առաջ և 116 պատվիրակների մասնակցությամբ 2026 թ. ապրիլի 22-ին անց է կացրել համագումարը։
Հուսով ենք «Անկախ դիտորդ» հասարակական դաշինքը համապատասխան ուղղում կկատարի «Ազգային ժողովրդավարական բևեռ» համահայկական կուսակցությանը վերաբերող իր տարածած և իրականությանը չհամապատասխանող տեղեկատվության մեջ։
ԱԺԲ Համահայկական կուսակցության Նախընտրական շտաբ
