«Ծառուկյանի կլանի առաջին տունը բռնագանձվել է։ Էդ մարդիկ էնքան գող են, որ դատարանի որոշումը մտել է ուժի մեջ, որ Գուլոյանի տունը պետական սեփականություն է, դրանից հետո գնացել, տնից գողություն են արել, և հիմա նոր քրեական գործ է հարուցված»,-Դիլիջանում ՔՊ քարոզարշավի ժամանակ հայտարարեց ՀՀ վարչապետ Նիկոլ Փաշինյանը։
Նա դիլիջանցիներին ասաց, թե պատկերացնում ենք՝ ձեր ու մեր տնից գողություն են արել․ «Այսինքն՝ հասկանո՞ւմ եք՝ կադաստրում գրանցված է, որ այդ տունը պետական գույք է։ Ծառուկյան Գագոն և փեսան գնացել, պատերից քարերը պոկել, մեր, ձեր տնից գողություն են արել, և հիմա քրեական գործ է հարուցված․ մի հատ էլ դրա համար են դատվելու։ Իրենց նախկին տունը, որ ապօրինի գույքի բռնագանձման մեխանիզմով բռնագանձվել է և դարձել պետական սեփականություն, դրանից հետո պատերի քարերը պոկել են, գողացել են քարերը, չգիտեմ՝ ոսկեջրած է եղել, ինչ է եղել։ Հիմա քրեական գործ է հարուցված, քանի որ քարը իրենցը չի եղել»։
Դիլիջանում Նիկոլ Փաշինյանի քարոզարշավն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ ՔՊ ֆեյսբուքյան էջից
