«Այսօր մեր տխրահռչակ վարչապետի ծնունդն է, եւ մենք չէինք կարող այստեղ գալ դատարկ ձեռքերով: Մեզ հետ բերել ենք թուրքական ֆեսեր՝ որպես նվեր ներկա կառավարիչներին»,- այսօր կառավարության շենքի դիմաց այսպես վարչապետ Նիկոլ Փաշինյանի ծնունդը շնորհավորեցին մի խումբ դաշնակցական երիտասարդներ:
Ցուցարարներից մեկը բացատրեց նվերի իմաստը. «Որ հունիսի 8-ից այս գլխարկները պատվով կրեն ու գնան իրենց բարեկամների մոտ՝ Ադրբեջան, Թուրքիա: Վստահ եմ՝ հունիսի 8-ից հետո նրանց այնտեղ գրկաբաց սպասելու են»:
Այս ասելուց հետո ցուցարարները կարմիր ֆեսերը դրեցին կառավարության շենքի դիմաց:
«Կառավարիչներ են, որոնց օրոք տարիներ շարունակ Թուրքիայի եւ Ադրբեջանի կողմից հնչած քարոզչական լոզունգներն ու նարատիվները ոչ միայն չէին պատասխանվում, այլ տեղափոխվում էին այս շենք եւ հնչում էին ամենաբարձր մակարդակով: Կառավարիչներ, ում օրոք հայ ժողովուրդն ունեցել ու շարունակում է ունենալ ամենամեծ կորուստը»,- հայտարարեց ցույցի մասնակիցներից մեկը:
Կարդացեք նաև
Արփինե ՍԻՄՈՆՅԱՆ
