Հակակոռուպցիոն կոմիտեն խուզարկություններ է այսօր անցկացրել «Հայաստան» դաշինքի՝ Աշտարակում գտնվող նախընտրական շտաբերում եւ դաշնակցական պատգամավոր Աշոտ Սիմոնյանի բնակարանում: Այս մասին ահազանգում է «Հայաստան» դաշինքի պատգամավորի թեկնածու. ՀՅԴ Հայաստանի գերագույն մարմնի ներկայացուցիչ Իշխան Սաղաթելյանը:
«Այս չարիքի իշխանությունը նման մեթոդներով ցանկանում է սահմանափակել եւ կազմալուծել ընդդիմադիր քաղաքական ուժերի նախընտրական շտաբերի գործունեությունը եւ ազդեցություն ունենալ մեր աջակիցների ու ընտրողների վրա, բայց չի ստացվելու: Նիկոլ Փաշինյան, դու եւ քեզ սպասարկող իրավական համակարգը վաղուց արդեն կանխատեսելի եք ու ճղճիմ, նման քայլերով որեւէ արդյունքի չեք հասնելու»,- ասաց Սաղաթելյանը:
Ըստ նրա, իշխանությունների այս գործողությունները իշխանությունը կորցնելու վտանգը տեսնելու հանգամանքով է պայմանավորված:
«Կոչ եմ անում միջազգային դիտորդներին նկատել ու տեսնել այս ամենը եւ համապատասխան գնահատական հնչեցնել, հակառակ դեպքում այսքան երկար կույր ձեւանալ պարզապես հնարավոր չէ»,- հավելեց Սաղաթելյանը:
Կարդացեք նաև
Արփինե ՍԻՄՈՆՅԱՆ
