Sputnik Armenia. Հայաստանում քարոզարշավն անարդար է ընթանում. երկրում իշխանափոխության հարցը չի լուծվի քվեարկության միջոցով`կարծում է ՀՀ նախկին վարչապետ Վազգեն Մանուկյանը:
«Եթե նորմալ ընտրություններ լինեին, Նիկոլ Փաշինյանը կպարտվեր, քանի որ ընդդիմության ստացած ձայների քանակը շատ ավելի մեծ է, քան նա կստանար», – Մոսկվայում Լազարևյան ակումբի արտակարգ նիստում ասել է նա։
Նրա խոսքով՝ հարյուրավոր մարդիկ ձերբակալվել են, և ամբողջ վարչական ապարատը գործի է դրվել։
«Ես չեմ կարող պատկերացնել մի իրավիճակ, երբ մարդիկ գնում են, ինչ-որ թղթեր են նետում տուփերի մեջ, և Նիկոլ Փաշինյանն ասում է՝ «Ես պարտվել եմ, հեռանում եմ»։ Նման սցենարը հանրապետությունում անհնար է»,- նշել է Վազգեն Մանուկյանը։
