«Լավ ասացվածքներ ունենք՝ կարմիր կովը կաշին չի փոխում, պտուղը ծառից հեռու չի ընկնում կամ երկու երնեկ մի տեղում չի լինում։ Սրանք դարերով ապացուցված ասացվածքներ են։ Մեր ընդդիմությունը որոշել է՝ երկու երնեկ մի տեղ անի, որոշել են բոլորով օգնեն, որ Քոչարյանը վարչապետ դառնա, իրենք էլ ազատվեն իրենց քրեական գործերից, ապօրինի գույքերի, փողերի լվացման և այլ նման խնդիրներից։ Բայց փորձը ցույց է տալիս, որ երկու երնեկ չի լինելու, չի ստացվելու իրենց մոտ»,- Գավառում ՔՊ հանրահավաքի ժամանակ հայտարարեց «Քաղաքացիական պայմանագիր» կուսակցության վարչության անդամ Գնել Սանոսյանը։
Ըստ նրա՝ ընդդիմությունը, երկար տարիներ լինելով իշխանություն, ընտրվել է ընտրակաշառքի, լցոնումների, քվեատուփում առկա քվեաթերթիկները փոխելու միջոցով․ «Երկար տարիներ այդ արատավոր ձևը կար։ Մի անեկդոտ եմ հիշում։ Մի մարդ երկար տարիներ բերդում անցկացնելուց հետո դուրս է գալիս, լսում է մի կնոջ ու երեխայի խոսակցություն ու զարմանում, ասում՝ ոնց՝ հին ձևը էլ չկա՞։ Հիմա ընդդիմությանն ասում եմ՝ հին ձևն էլ չկա, դուք էլ չեք ընտրվելու։ Ազատ, արդար ընտրություններով դուք երբեք իշխանության չեք գալու»։
ՔՊ հանրահավաքն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
