Ժուռնալիստների «Ասպարեզ» ակումբ դիտորդական առաքելության հայտարարությունը
32/22
Ընտրատեղամասում ընտրողը քվեախցիկում մի քանի անգամ ծալել է քվեաթերթիկը։ Հանձնաժողովի կողմից նրան ուղղորդվել է ուղղել և պատշաճ կերպով տեղադրել քվեաթերթիկը։ Հետագայում ընտրողը քվեաթերթիկը ներկայացրել է առանց ծրարի, ինչի կապակցությամբ ևս մեկ անգամ ստացել է հանձնաժողովի նախագահի ուղղորդումը։ Ի վերջո իրավիճակը շտկվել է։
30/13
Կարդացեք նաև
Թեև ընտրատեղամասը տեղակայված է Հարթաշենի դպրոցում, տարեց քաղաքացիները դժվարությամբ են հասնում այնտեղ։ Տարածքը բավարար չափով մատչելի չէ․ բացակայում են բռնվելու հարմար հենակներ, ինչպես նաև աստիճանների հատվածում առկա չեն բազրիքներ։
30/13
Երկու ընտրող փորձել են միաժամանակ գտնվել նույն քվեախցիկի տարածքում։ Մայրն ուղեկցել է իր 18-ամյա որդուն, ով առաջին անգամ էր մասնակցում քվեարկությանը։ Մայրը փորձել է ազդել որդու ընտրության վրա։ Առաջին անգամ ընտրողին տրամադրվել է փոքրիկ հուշանվեր։
30/13
Կեսօրից հետո ընտրատեղամասի մուտքի մոտ նկատվել են մեքենաների և մարդկանց կուտակումներ։ Հանձնաժողովի նախագահին տեղեկացնելուց հետո կուտակումները վերացվել են։ Ներկա են եղել հանձնաժողովի անդամները, նախագահը և վստահված անձինք։
30/23
Ծալված քվեաթերթիկով ընտրողին խնդրել են մոտենալ քվեախցիկ և ուղղել։ Վերջինս վերադարձել է քվեախցիկ և կատարել ուղղում։
31/36
«Ուժեղ Հայաստան» դաշինքից ընտրատեղամասում մասնակցել են 4 վստահված անձինք։ Հանձնաժողովին կատարված զգուշացումից հետո նրանցից երկուսը հեռացել են ընտրատեղամասից։
32/42
Ընտրողը կտրոնը գցել է չօգտագործված քվեաթերթիկների համար նախատեսված արկղի մեջ։ Հանձնաժողովի նախագահը հրավիրել է դիտորդին, եւ միասին կտրոնը հանվել է արկղից ու վերադարձվել ընտրողին։ Այնուհետև ընտրողին թույլատրվել է տեղադրել ծրարը քվեատուփի մեջ։
32/42
Ընտրողը փորձել է քվեաթերթիկները գցել անկյունում դրված թափոնների տուփի մեջ։ Հանձնաժողովի նախագահը միջամտել է։ Դրանից հետո ընտրողը փորձել է դատարկ ծրարը գցել քվեատուփը՝ նշելով, որ «մեկ է գործող իշխանությունը պետք է անցնի»։ Հանձնաժողովի անդամը նրան բացատրել է քվեարկության ընթացակարգը, եւ վերահսկվել է, որ ծրարը՝ քվեաթերթիկով հանդերձ, պատշաճ կերպով տեղադրվի քվեատուփի մեջ։
«ԱՍՊԱՐԵԶ» ԱԿՈՒՄԲ
