Մեկ տարի ընդմիջումից հետո Բագրատ Սրբազանը կրկին Իջևանում էր: «Նամակներդ կարդացի»,- ասաց Սրբազանը իր մոտ շտապող մի երեխայի: Բոլորը մոտենում ու ողջագուրվում էին Սրբազանի հետ:
Պատասխանելով չհուսահատվելու վերաբերյալ հարցին՝ Բագրատ Սրբազանն ասաց. «Կամ ճշմարտության հետ ես, կամ ո՛չ, ճշմարտությունը չի կարող նպատակահարմարություն լինել, այս պահին այսպես անեմ, մյուս պահին այնպես անեմ, քո անձնական ապահովության և վախերի խնդիրը պետք է վանել»,- ասաց նա:
Սրբազանին մոտեցան նաև Տավուշի թեմի «ՏաԼույս» երգչախմբի փոքրիկ երգիչները: «Շնորհակալություն ձեզ, երեխեք ջան, ներողություն, որ այսքան ժամանակ չեմ կարողացել ձեզ խնամք հասցնել, շնորհակալություն, որ ամուր մնացել եք՝ մեր սիրելի Մարիայի գլխավորությամբ, Լենայի օգնականությամբ և Թովմասի, մաղթում եմ, որ ձեր ուժն ավելի շատանա»,- հուզված ասաց Սրբազանը:
Կարդացեք նաև
Նա նաև հասցրեց մասնակցել ընտրությանը: «Աստված օրհնի մեր կյանքը… Հոգևոր Հայաստանը հաղթելու է, իսկ աղբը պետք է մաքրվի մեր երկրից ամբողջությամբ»,- ասաց Սրբազանը՝ կատարելով իր ընտրությունը:
«Ուզում էի քաղցր բերել, բայց կասեին՝ ընտրակաշառք է, դրա համար չբերեցի, հիմա ամեն ինչը ընտրակաշառք են համարում»,- ժպտալով ասաց նա ընտրատեղամասում իր հայրիկի հետ սպասող ծանոթ երեխային:
Պատրաստեց Գոհար ՀԱԿՈԲՅԱՆԸ
