Sputnik Armenia. Հայաստանի և Ադրբեջանի քաղաքացիների համար հնարավորություն կստեղծվի գաղտնի տեղեկատվություն տրամադրել անհայտ կորածների և նրանց թաղման վայրերի մասին:
Անհետ կորած անձանց միջազգային հանձնաժողովը (ICMP) մշակել է էլեկտրոնային տվյալների բազա, Բաքվում կայացած համաժողովում ասել է Ադրբեջանի պետական անվտանգության ծառայության պետի տեղակալ Շարաֆատ Հասանովը։
«Տրամադրված տեղեկատվությունը կօգտագործվի բացառապես մարդասիրական նպատակներով, և տեղեկատվությունը տրամադրողը որևէ պարագայում պատասխանատվության չի ենթարկվի։ Այն նպատակ ունի նպաստել անհետ կորած անձանց ճակատագրի պարզաբանմանը», – հայտարարել է նա։
