«Ապառաժ». ՀՅԴ Հայ Դատի Եվրոպայի գրասենյակի (EAFJD) նախագահ Գասպար Կարապետյանը Բելգիայի Սենատի անդամ Գաետան Վան Գոյդսենհովենի հետ հանդիպման էր ուղեկցել Հայկական իրավական կենտրոնի (ALC) գործադիր տնօրեն, ICLaw-ի տնօրեն, Մարդու իրավունքների եվրոպական դատարանում (ՄԻԵԴ) հայ պատանդների շահերը ներկայացնող Սիրանուշ Սահակյանին և Ադրբեջանի կողմից պատանդառված Արցախի Հանրապետության Ազգային ժողովի նախկին նախագահ Դավիթ Իշխանյանի որդուն՝ Արմեն Իշխանյանին։
Հանդիպման նպատակն էր սենատորին ներկայացնել Բաքվում պահվող հայ պատանդների վերաբերյալ վերջին իրավական զարգացումները և նպաստել նրանց անհապաղ ազատ արձակման ուղղությամբ Ադրբեջանի նկատմամբ դիվանագիտական ճնշման ուժեղացմանը։
