Շիրակի մարզի Անի համայնքի սահմանամերձ Բագրավան գյուղում բարձրացած պտտահողմի ու տեղացած ավերիչ կարկտահարության հետևանքով ծանր վնասվածքներ է ստացել գյուղի նախրապանը։ Նրան տեղափոխել են հիվանդանոց։
Այս մասին ֆեյսբուքյան գրառում է կատարել «Շիրակ կենտրոն» ՀԿ նախագահ Վահան Թումասյանը, որը մեծ գործունեություն է ծավալում այս գյուղում և որի շնորհիվ այն վերածվել է զբոսաշրջային հետաքրքիր ուղղության։
Նա նաև տեղեկացրել է, որ նախրապանն այդ պահին սարերում է եղել ու ծանր վնասվածքներ է ստացել։
Գյումրի բժշկական կենտրոնի տնօրենի պաշտոնակատար Արմեն Խաչատրյանը մեզ տեղեկացրեց, որ նախրապանին հետազոտել են, ցուցաբերել ամբուլատոր օգնություն, նա դուրս է գրվել։
Կարդացեք նաև
Նունե ԱՐԵՎՇԱՏՅԱՆ
Լուսանկարը՝ «Շիրակ կենտրոն» ՀԿ նախագահ Վահան Թումասյանի ֆեյսբուքյան էջից
