Հակակոռուպցիոն դատարանում ըստ հայցի ՀՀ գլխավոր դատախազության՝ ընդդեմ Իշխան Սաղաթելյանի եւ նրա հետ փոխկապակցված անձանց ապօրինի գույքի բռնագանձման պահանջի մասին այսօրվա դատական նիստում քննարկման առարկա դարձավ դատախազության միջնորդությունը՝ հայցի հիմքն ու առարկան փոխելու վերաբերյալ։
«Մենք ներկայացրեցինք մեր դիրքորոշումը, առարկությունները այդ միջնորդության մասով։ Մենք գտնում ենք, որ այդ միջնորդությունը չպետք է չբավարարվեր այն տրամաբանությամբ, որ հատուկ ոլորտային օրենքը թույլ չի տալիս եւ չի տալիս հնարավորություն, որպեսզի հետագայում հայցվորը կատարի հայցապահանջի ծավալի այնպիսի փոփոխություն, որը կհանգեցնի նրան, որ հայցի պահանջի առարկայի նոր ծավալներ կսահմանվեն կամ սահմանները ավելի կլայնանան, քան դատախազությունը ի սկզբանե դիմել է։
Դատախազությունը մինչ այդ իրականացնում է ուսումնասիրության արդյունքներով ամփոփում, հետագայում նաեւ կազմում է եզրակացություն եւ ըստ էության, եթե ունի ենթադրյալ պահանջ, ապա արտացոլում է եզրակացությամբ։ Եվ հիմա այն պահանջը, որ մատնանշվել է, փաստացի տեղի է ունեցել այդ պահանջի փոփոխում։ Ես կարծում եմ, որ տվյալ դեպքում քաղաքացիական դատավարության օրենսգրքի համապատասխան դրույթը պետք է իրականացվի բացառապես հաշվի առնելով այն իրավակարգավորումը, որը սահմանվում է ոլորտային հատուկ օրենքով։
Այնուամենայնիվ դատարանը բավարարեց եւ դատական նիստը հետաձգվեց, որպեսզի հաջորդ նիստի ընթացքում արդեն հարցեր ուղղենք հայցի հիմքի եւ առարկայի վերաբերյալ»,- Aravot am-ին ասաց Իշխան Սաղաթելյանի պաշտպան Արամազդ Կիվիրյանը (լուսանկարում)։
Կարդացեք նաև
Աշոտ ՀԱԿՈԲՅԱՆ
