Բելառուսի Պետական ստանդարտների կոմիտեն (Գոսստանդարտ) արգելել է հայկական «Երևան 2800» կոնյակի իրացումը՝ այն Բելառուսում գործող Մաքսային միության տեխնիկական կանոնակարգերի պահանջներին չհամապատասխանելու պատճառով։
Ինչպես նշված է Գոսստանդարտի համապատասխանության ռեեստրում, հայկական «ՄԱՊ» ՓԲԸ-ի՝ Արմավիրի մարզում արտադրված ութամյա «Երևան 2800» կոնյակը ճանաչվել է վտանգավոր արտադրանք։
Այս մասին տեղեկանում ենք TASS-ից:
«Փորձարկումների արդյունքում պարզվել է, որ «դաբաղանյութերի զանգվածային խտություն» ցուցանիշը, որի նորման պետք է լինի առնվազն 0,3 գ/դմ³, կազմել է 0,14 ± 0,01 գ/դմ³։ Դրանից հետևում է, որ արտադրանքին հաղորդվել է որոշակի տեսակի արտադրանքին բնորոշ արտաքին տեսք և առանձին հատկություններ, սակայն այն չի կարող նույնականացվել որպես այն արտադրանքը, որի անվանմամբ ներկայացվում է»,— հայտնել են Գոսստանդարտից։
Կարդացեք նաև
Արգելվել է ապրանքի վաճառքը, ներմուծումն ու շրջանառությունը, ինչպես նաև դադարեցվել է դրա համապատասխանության գնահատման վերաբերյալ փաստաթղթերի գործողությունը։
Ավելի վաղ Բելառուսում նույն պատճառով արգելվել էր նաև վեց տարվա հնեցում հայտարարված վրացական Sachukari Traditional կոնյակի վաճառքը։
