ԿԳՄՍ նախարարության ՖԲ էջից.
Պաշտոնապես ազդարարվել է Գրքի երևանյան միջազգային 9-րդ փառատոնի բացումը. Հայաստանի ազգային պատկերասրահի Որմնանկարների սրահում տեղի ունեցած միջոցառմանը ներկա են եղել ՀՀ կրթության, գիտության, մշակույթի և սպորտի նախարար Ժաննա Անդրեասյանը, Երևանի քաղաքապետ Տիգրան Ավինյանը, գրողներ, հրատարակիչներ, ընթերցասեր հանրության ներկայացուցիչներ։
Գրքի երևանյան 9-րդ փառատոնի թեման լեզուն է՝ որպես քաղաքակրթության հիշողությունն ամբարող և փոխանցող միակ երևույթ։ Փառատոնն իրականացվում է ՀՀ ԿԳՄՍ նախարարության նախաձեռնությամբ։
Կարդացեք նաև
Ողջունելով ներկաներին և շնորհավորելով փառատոնի բացման կապակցությամբ՝ ԿԳՄՍ նախարար Ժաննա Անդրեասյանն ընդգծել է, որ ծրագրային ընդգրկվածությունը հնարավորություն է տալիս փառատոնի երեք օրերին լիարժեք խոսել ամենակարևոր թեմաների շուրջ՝ քննարկել և արձանագրել, որ քաղաքը կարդում է։
«Փառատոնը տարեցտարի զարգանում է, ապրում իր սեփական կյանքով՝ ընդլայնելով սահմաններն ու աշխարհագրությունը, բերելով նոր համագործակցություններ, որոնք նպաստում են նոր շուկաների նվաճմանը: Փառատոնը մեզ համար նաև ընթերցանության կարևորությունն ընդգծելու հրաշալի հնարավորություն է, հատկապես որ ԿԳՄՍ նախարարությունն այս ուսումնական տարին հայտարարել է Ընթերցանության տարի, որը մեկնարկում ենք Գրքի Երևանյան միջազգային փառատոնով։ Ժամեր առաջ այս դահլիճում քննարկել ենք՝ ինչպես խթանել ընթերցանությունը դպրոցում»,- ասել է նախարարը:
ԿԳՄՍ նախարարությունն այս ուսումնական տարին հայտարարել է Ընթերցանության տարի, որը մեկնարկում ենք Գրքի Երևանյան միջազգային փառատոնով
