Չեռնոգորիայի Բուդվա քաղաքում անցկացված շախմատի Եվրոպայի 41-րդ ակումբային առաջնությունում գրոսմայստեր Էլինա Դանիելյանը Լյուքսեմբուրգի «Gambit Bonnevoie» ակումբի կազմում նվաճել է արծաթե մեդալ։ Նրա թիմը ամփոփիչ մրցաշարային աղյուսակում վաստակել է 12 միավոր` նույնքան, որքան հաղթող ճանաչված «Cercle d`Echecs de Monte-Carlo» ակումբը։
Էլինան, մասնակցելով բոլոր յոթ տուրերին, իր ակումբի հաշվարկին բերել է 5,0 միավոր եւ մեկ անհատական արծաթե մեդալի էլ արժանացել է 3-րդ խաղատախտակի առջեւ հանդես եկած շախմատիստուհիների պայքարում։
Բուդվայում խաղում էր նաեւ գրոսմայստեր Հայկ Մարտիրոսյանը եւ ներկայացնում էր «SuperChess Romania» ակումբը, որը 11 միավորով հանգրվանել է 4-րդ հորիզոնականում։
Աշոտ ՀԱԿՈԲՅԱՆ
