Լոռու մարզի 25/24 տեղամասում այսօր քվեարկություն կատարեց «Ուժեղ Հայաստան» կուսակցության՝ Ստեփանավան համայնքի ավագանու թեկնածու Վրույր Այվազյանը։
«Քվեարկել եմ հանուն ազատության, փոփոխության, հանուն մտքի ազատության, հանուն այն բռնաճնշումների ավարտի, որոնցից ժողովուրդը հոգնել ու զզվել է։ Մի օր փոփոխությամբ պետք է բերենք դրա ավարտը»,- լրագրողների հետ զրույցում ասաց Այվազյանը։
Նրա խոսքով՝ ներկա իշխանությունները դարձել են այն, ինչ ժամանակին մերժում էին, համարում վատ և պարսավելի. «Նույնությամբ, բայց ավելի վատ ձևով, կրկնում են նույն երևույթները՝ դառնալով այն, ինչ ժամանակին մերժում էին»։
Անդրադառնալով ձերբակալություններին՝ Այվազյանն ասաց.
Կարդացեք նաև
«Գործելաոճն է, ձեռագիրն է։ Պարզ է, որ նույն գործելաոճով զբաղվել են մնացած համայնքներում, որտեղ ընդդիմադիր թեկնածուներ կան։ Սա մեզ չի ընկճել բնավ, մեր թեկնածուն էլ ընկճված չէ, թեև անազատության մեջ է։ Մեր քաղաքական պայքարը շարունակվելու է մինչև այն ցանկալի փոփոխությունները, որոնք մեր ժողովուրդը ցանկանում է ունենալ»։
Արփինե ՍԻՄՈՆՅԱՆ
