Լրահոս
Օրվա լրահոսը

Ակադեմիկոս Սերգեյ Համբարձումյանը որպես բողոքի նշան դուրս է գալիս Սեւանա լճի հանձնաժողովի կազմից

Հունիս 15,2012 16:51

Սեւանա լճից ջրի բացթողման օրենքով սահմանված չափաքանակն ավելացնելու ՀՀ կառավարության մտադրության հետ կապված ՀՀ ԳԱԱ ակադեմիկոս Սերգեյ Համբարձումյանը որոշում է ընդունել դուրս գալ Սեւանա լճի պահպանության փորձագիտական հանձնաժողովի կազմից: Նրա հայտարարության մեջ մասնավորապես ասված է. «Ես ուզում եմ ապրել, որ Սեւանի թերակղզին Կղզի տեսնեմ: Ովքեր ուզում են ապրել եւ Սեւանի թերակղզին միշտ թերակղզի տեսնել, թող հասկանան, որ, ըստ իս, դա առնվազն բարբարոսություն է»,- նշում է ակադեմիկոս Համբարձումյանը եւ խնդրում իրեն հանել փորձագիտական հանձնաժողովի կազմից:

Հիշեցնենք, որ ՀՀ կառավարությունը հունիսի 14-ի նիստում հավանության արժանացրեց «Սևանա լճի մասին» ՀՀ օրենքում լրացում կատարելու մասին» և «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին» ՀՀ օրենքների նախագծերը, որոնց համաձայն` լճից ջրի բացթողման համար սահմանված առավելագույն 170 միլիոն խմ ծավալը կհասցվի 320 միլիոն խմ-ի:

«ԷկոԼուր»

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2012
Երկ Երե Չոր Հնգ Ուրբ Շաբ Կիր
« Մայիս   Հուլ »
 123
45678910
11121314151617
18192021222324
252627282930