Հայաստանում ԱՄՆ դեսպան Ջոն Հեֆերնը այսօր լրագրողների հետ զրույցում անդրադառնալով Ադրբեջանի կողմից դեպի սահմանամերձ գյուղեր արձակած կրակոցներին, նշեց ,որ Սոչիում Ռուսաստանի, Հայաստանի եւ Ադրբեջանի նախագահների եռակողմ հանդիպումը նպաստեց այն բանին, որպեսզի սահմանամերձ գյուղերում նվազեն Ադրբեջանի կողմից արձակած կրակոցները։
«Երբ Հայաստանի եւ Ադրբեջանի նախագահները հանդիպում են, ապա դա լավագույն միջոցն է խնդրին խաղաղ լուծում տալու։ Հենց այդ հանդիպումից հետո է, որ նվազել են սահմանին կրակոցները»,-նշեց պրն դեսպանը։
Պրն Հեֆերնը նաեւ Aravot.am-ի խնդրանքով մեկնաբանեց, թե ինչ հետեւանք կթողնեն ԱՄՆ կողմից Ռուսաստանի նկատմամբ կիրառած պատժամիջոցները Հայաստանի վրա, ինչին դեսպանը պատասխանեց, որ բազմաթիվ քննարկումներ են եղել Հայաստանի կառավարության հետ այդ պատժամիջոցների վերաբերյալ. «Պատժամիջոցները ուղղված են Ռուսաստանի նկատմամբ, ոչ թե Հայաստանի, սակայն դրանք կարող են իրենց հետեւանքները թողնել Հայաստանի տնտեսության վրա, եթե դա Հայաստանին դուր չի գալիս, նրանք պետք է բողոքեն Մոսկվային»։
Կարդացեք նաև
Էլյա ՀՈՎՀԱՆՆԻՍՅԱՆ
