Լրահոս
Օրվա լրահոսը

Օպերային թատրոնը 2017-ին մոտ 57%-ով նախորդ տարվա համեմատ գերակատարել է փաստացի եկամտի ցուցանիշը

Փետրվար 21,2018 12:22

2017-ի բավական բարձր ցուցանիշները 2018-ին գրեթե կրկնապատկելու՝ նախարար Ամիրյանի «հավակնոտ» առաջարկությանը մեծահոգությամբ ու լավատեսությամբ արձագանքեց մաեստրո Օրբելյանը.

«Կանենք, կգերակատարենք»,- զարմանալի թեթևությամբ վստահեցրեց Ալեքսանդր Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն Կոնստանտին Օրբելյանը:

Մաեստրոյի լավատեսության հիմքում նաև 2017-ի հաջողություններն են, որոնց համար արժանացան «չեմպիոն» բնորոշմանը:

Օպերային թատրոնը 2017-ին 2016-ի համեմատ մոտ 57%-ով է գերակատարել փաստացի եկամտի ցուցանիշը, իսկ տարվա համար նախատեսվածի համեմատ՝ մոտ 15%-ով։

2017-ի 52 հազարի փոխարեն 2018-ին ծրագրեցին շուրջ 100 հազար հանդիսատես ապահովել: Արմեն Ամիրյանը թիվը միանգամայն իրատեսական է համարում՝ հաշվի առնելով Օպերային թատրոնի՝ 2018-ին ծրագրած պրեմիերաները, այդ թվում՝ «Մանոն», «Կարմեն», «Կախարդական սրինգ», «Կարինե» օպերաներն ու «Չիպոլինո» բալետը:

Մեկ ներկայացման կամ միջոցառման ողջ հասույթը Ստեփանակերտի թատրոնի վերանորոգմանն ուղղելու՝ ՀՀ մշակույթի նախարարության նախաձեռնությանը ևս Օպերային թատրոնը միանում է անվերապահորեն։

ՀՀ մշակույթի նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728