«Առանց բանակցությունների ռազմական գործողությունների վերսկսման հավանականությունը մեծանում է»,- խորհրդարանում լրագրողների հետ զրույցում այսօր հայտարարեց ՀՀ փոխարտգործնախարար Շավարշ Քոչարյանը: Փոխարտգործնախարարն ասում է, որ Հայաստանը պետք է մասնակից լինի ռազմական գործողությունների վերսկսման կանխարգելմանն ուղղված հարթակներին. «Բայց երբեք Հայաստանն իր վրա չի կարող վերցնել՝ Արցախի փոխարեն բանակցել այն հարցերի շուրջ, որոնք Արցախի Հանրապետության տիրույթում են»:
Փոխարտգործնախարարի հավաստմամբ, Հայաստանում եւ Արցախում տեղի ունեցող ժողովրդավարական գործընթացներն ու բարեփոխումները միջազգային ասպարեզում հայկական կողմերի դիրքերը կամրապնդեն: «Ադրբեջանի խաղաքարտը օդից կամ գետնից դուրս եկող գումարներն են, Հայաստանինը լրիվ ուրիշ դաշտում է»,- ասաց նա:
Այսօր բանակցություններում առաջընթացի հնարավորություն Շավարշ Քոչարյանը չի տեսնում: Առաջընթաց, ըստ նրա, կլինի, երբ Արցախը կնստի բանակցությունների սեղան:
Մանրամասները`տեսանյութում
Նելլի ԳՐԻԳՈՐՅԱՆ
