Մամուլի ասուլիսում քաղաքապետ Սուրեն Աբրահամյանն ասաց, որ դպրոցներում կա տարիքն առած երեք տնօրեն, որոնք չեն ուզում անցնել թոշակի, իսկ նրանցից մեկն էլ նախարարի զոքանչ է։ Թե որ նախարարի զոքանչի մասին է խոսքը, մեզ չհաջողվեց որոշակիացնել, սակայն ըստ էության պարզվեց, որ այդ երեք տնօրեններից մեկը նախկինում ԱԺ-կառավարություն կապերի գծով նախարար Արմեն Քամալյանի մայրն է։
ՄԻՋԱՆՑՔՈՒՄ ԱՊՐԵԼՈՒ ՀԵՌԱՆԿԱՐՆԵՐԸ
Երեկ Հայաստանում եւ Վրաստանում Եվրամիության դեսպան Դենիս Բորբոյը Երեւանի «Bass» հյուրատանը հանդիպեց մի խումբ լրագրողների։ Զրույցի թեման ՏՐԱՍԵԿԱ-ի ծրագրի շրջանակներում սեպտեմբերի 7-ին Բաքվում կայանալիք հանդիպումն էր, բնականաբար, նաեւ ծրագրի մանրամասները։
«ԱԴԱՆԱՅԻ» ԱՆՀԱՆԳԻՍՏ ԳԻՇԵՐՆԵՐԸ
Կարդացեք նաև
Վերջին օրերին բազմաթիվ բողոքներ են եղել, թե գիշերային ժամերին բարձրաձայն երաժշտություն է հնչում Երիտասարդության պալատից։ Մինչդեռ Երիտասարդության պալատի սրահներն իրականում լուռ են, իսկ գիշերային երաժշտությունը հնչում է հարեւանությամբ գտնվող «Ադանա» ռեստորանից։ Շրջակայքի բնակչությունը մի կողմից զայրացած է, իսկ կողմից էլ զարմացած՝ ով է այն տանիքը, որ «Ադանային» հնարավորություն է տալիս շարունակել այդպես՝ առանց մտածելու մարդկանց գիշերային հանգստի մասին։
Ա՛Յ ՔԵԶ ԶԲՈՍԱՇՐՋԻԿՈՒԹՅՈՒՆ
Իշխանական միջանցքներում վերջին շրջանի ամենահարգի ասեկոսեն այն յուրօրինակ գլուխկոտրուկն է, թե ինչպես է արդյունաբերության, առեւտրի եւ զբոսաշրջիկության փոխնախարարը շուրջ 1 ամիս առաջ Մոսկվայի փոխարեն (ուր իր նախնական հայտարարությամբ մեկնել էր հանգստանալու), Շվեյցարիայում հայտնվել։
