«Զվարթնոց» օդանավակայանի համալիրի պետը գեներալ Մանվել Գրիգորյանի ազգականն է՝ քրոջ կամ եղբոր որդին, որի մասին ասեկոսեներ են շրջում, թե միջնակարգ կրթություն ունի։ «Զվարթնոցում» է աշխատում նաեւ պաշտպանության փոխնախարար, գլխավոր շտաբի պետ Միխայիլ Հարությունյանի որդին։
ՆՈՐ ԱՌԱՋՆՈՐԴՆԵՐ
Ըստ երեւույթին, արդեն որոշված է, թե ով պիտի փոխարինի Սերգեյ Բադալյանին ՀԿԿ Կենտկոմի առաջին քարտուղարի եւ պատգամավորական ֆրակցիայի նախագահի պաշտոնում։ Կոմունիստների խորհրդարանական միավորը գլխավորելու է Լեոնիդ Հակոբյանը, իսկ Հայկոմկուսի առաջին քարտուղար, ըստ երեւույթին, կդառնա Վլադիմիր Դարբինյանը։
Կարդացեք նաև
ՌՈՒՍԱՍՏԱՆ-ԲԵԼԱՌՈՒՍ. ՄԻՋՖՐԱԿՑԻՈՆ ԽՈՒՄԲ
ԱԺ պատգամավոր, «Իրավունք եւ միաբանություն» խմբակցության անդամ Աղասի Արշակյանը վկայել է, որ գալիք նստաշրջանում ՀՀ ԱԺ-ում ստեղծվելու է Ռուսաստան-Բելառուս միությանը Հայաստանի անդամակցությանն աջակցող միջֆրակցիոն պատգամավորական խումբ, որը կունենա բազմաթիվ անդամներ։ Աղասի Արշակյանն ասել է նաեւ, որ հարցի մեջ ավելի մեծ պարզություն կմտնի հունվարի 9-ին Մոսկվայում կայանալիք Ռուսաստան-Բելառուս միության խորհրդարանական ժողովից հետո, որին դիտորդի կարգավիճակով մասնակցելու է ինքը եւ եւս մեկ պատգամավոր «Միասնություն» դաշինքից։
ՆՎԱԶ ԾԱԽՍԵՐ ԵՎ ԵԿԱՄՈՒՏՆԵՐ
Վազգեն Սարգսյանի կառավարության ներկայացրած 2000 թվականի բյուջեի համեմատ, Արամ Սարգսյանի կառավարության հաջորդ տարվա բյուջեի նախագծում ծախսային եւ եկամտային մասերը 7-7,5%-ով կրճատվել են։
