Ըստ որոշ լուրերի, տարածքային կառավարման նախկին նախարար Խոսրով Հարությունյանը մտադիր է փորձել նորից մաս կազմել այս խորհրդարանին։ Նա իր թեկնածությունը ցանկանում է առաջադրել իր տեղը զբաղեցրած Լեոնիդ Հակոբյանից հետո թափուր մնացած ընտրատարածքում։
ՄՈԼՈՐՅԱԼ ՈՐԴԻՆԵՐԻ ՎԵՐԱԴԱՐՁԸ
Երեկ ՀՀԿ խորհրդի անդամները հանդիպեցին նախագահ Քոչարյանի հետ։ Գրեթե նույն ժամին վարչապետ Արամ Սարգսյանն էլ հանդիպում էր ու սրտաբաց զրուցում այն երկրապահ հրամանատարների հետ, որոնք նախագահի հրամանագրով պաշտոնի բարձրացման են արժանացել։
Կարդացեք նաև
Կարդացեք էջ 3։
«ԻՐԱՎՈՒՆՔ ՉՈՒՆԵՔ ՀՐԱՊԱՐԱԿԱՎ ՊԱՅՔԱՐԵԼ»
Ֆիլարետ Բերիկյանն իր կուսակից Վահե Վարսանյանի մասին ասաց. «Եթե կուսակցությունը որոշում է կայացնում, դուք պարտավոր չեք դա կատարել, եթե դա ձեր համոզմունքին դեմ է, բայց դուք ուղղակի իրավունք չունեք հրապարակավ պայքարել դրա դեմ։ Կուսակցության ներսում դուք կարող եք դրա դեմ պայքարել, բայց իրավունք չունեք առանձին թղթակից կանչել»։
Ավելի մանրամասն՝ 2-րդ էջում։
ԻՍԱՀԱԿՅԱՆԸ ԿՈՒՆԵՆԱ՞ ԿԱՅԱՐԱՆ
– Ի՞նչ է, փող է հարկավո՞ր, որ, օրինակ, մետրոկայարանի ոչինչ չասող «Երիտասարդական» ածական անունը վերանվանենք «Ավետիք Իսահակյան» գոյական անվան, որ վերջապես մեկ հուշահամալիրի իմաստ ստանա բանաստեղծի արձանը, պուրակը, նրա անունը կրող փողոցը եւ մետրոյի կայարանը։ Կայարանի շքամուտքից երկինք խոյացող խողովակի տակ եթե տեղադրենք Իսահակյանի կիսանդրին, ապա այդ թերեւս անավարտ ճարտարապետական հղացումը իմաստ կստանա, ավարտված ձեւ կառնի,- ասաց Ավիկ Իսահակյանը։
