Երեկ Կենտրոն եւ Նորք-Մարաշ համայնքների ընդհանուր իրավասության դատարան պետք է ներկայանար դատական փորձագետ պարոն Ֆրանգուլյանը:
Սակայն վերջինս զանգել էր դատական նիստը նախագահողին՝ դատավոր Գագիկ Պողոսյանին, եւ հայտնել, որ ծանուցագիր չի ստացել: Սակայն միաժամանակ չէր հայտնել, թե ինչպես է իմացել դատական նիստին իրեն ներգրավելու մասին:
Դատարանը երկրորդ անգամ էր ծանուցել նրան, սակայն պաշտպան Վարդան Սաֆարյանի հետ հեռախոսային զրույցի ժամանակ ասել էր, որ չի կարող մասնակցել, քանի որ փորձաքննություն է իրականացնում: Հիշեցնենք, որ նա ներգրավված է Արազ Բալագյոզյանի, Վարազդատ Արմենակյանի եւ Սարգիս Պետիկյանի դեմ հարուցված քրեական գործով:
Նորքեցի այս երիտասարդները մեղադրվում են 2 երեխաների հոր՝ Վաղարշակ Ոսկանյանի սպանության համար:
