2006թ. Թուրքիան վերանորոգեց եւ որպես թանգարան վերաբացեց Աղթամարի Սբ. Խաչ եկեղեցին: 1191թ. կառուցված Կեսարիայի Սբ, Գրիգոր Լուսավորիչ եկեղեցին վերականգնվել է ու կօծվի նոյեմբերի 8-ին: Մալաթիայի կենտրոնում գտնվող 250-ամյա հայկական եկեղեցու վերականգնման նախաձեռնությունն ու ծախսերը ստանձնել են մզկիթների կառուցման քաղաքային վարչության ներկայացուցիչները: Դիարբեքիրում սկսվել են Սբ. Կիրակոս եկեղեցու վերականգնման աշխատանքները, տեղեկացնում է turkaget.wordpress. com-ը եւ հավելում, որ դժվար թե թուրքերը փոխված լինեն: Մանավանդ, ըստ նույն աղբյուրի, տարօրինակ է թուրք պահպանողականության կենտրոն Կեսարիայում եկեղեցի բացելը, որտեղ 3 հայ է ապրում՝ Աթիք Էրքույումջուն, Գառնիկ Թեքեն ու Սարգիս Թեքեն:
