Երեկ կառավարության նիստի ժամանակ վարչապետ Տիգրան Սարգսյանը ներկայացրեց առողջապահության նախարարության նոր աշխատակազմի ղեկավարին՝ Սուրեն Քրմոյանին, որն այդ պաշտոնում արդեն մի քանի ամիս ժամանակավոր պաշտոնակատար էր եւ նախարարի իրավական հարցերով խորհրդատու: Վարչապետ Տիգրան Սարգսյանի գնահատմամբ, Ս. Քրմոյանը նախարարության փորձառու մասնագետներից է: Նիստի ժամանակ վարչապետը շնորհավորեց նաեւ առողջապահության նախարար Հարություն Քուշկյանի ծնունդը: Պարոն Քուշկյանը դարձավ 55 տարեկան:
